Pesë raste të dhunës në familje janë raportuar në Polici vetëm brenda 24 orëve të fundit, raporton Gazeta “Enigma”.
Dy raste janë raportuar në rajonin e Prishtinës, dy në rajonin e Gjakovës dhe një rast në Mitrovicën e Jugut.
Në Lipjan viktima është sulmuar nga djali i tij dhe ka pranuar tretman mjekësor, ndërsa i dyshuari është dërguar në mbajtje.
“Lipjan. 09.08.2025 – 02:00. Viktima m/k ka raportuar se pas një mosmarrëveshje është sulmuar fizikisht nga djali i tij i dyshuari m/k. Viktima ka pranuar tretman mjekësor, ndërsa me vendim te prokurorit pas intervistimit i dyshuari është dërguar ne mbajtje”, njofton Policia.
Ndërsa në Fushë Kosova viktima është sulmuar fizikisht nga burri i saj. Viktima ka pranuar tretman mjekësor në QKUK, i dyshuari është dërguar në mbajtje.
“Fushë Kosovë 09.08.2025, 17:26. Është arrestuar i dyshuari m/k pasi që i njëjti pas një mosmarrëveshje e kishte sulmuar fizikisht bashkëshorten e tij viktimën femër f/k. Viktima është dërguar në QKUK, Prishtinë për tretman mjekësor, ndërsa i dyshuari pas intervistimit me vendim të prokurorit është dërguar në mbajtje”, thuhet në raportin 24 orësh të policisë së Kosovës.
Rasti i tret është raportuar në rajonin e Gjakovës ku viktima është sulmuar nga vëllai i tij i cili ishte nën ndikim të alkoolit, i dyshuari është dërguar në mbajtje.
“Gjakovë. 09.08.2025 – 02:00. Është arrestuar i dyshuari m/k pasi që i njëjti nën ndikim të alkoolit kishte ushtruar dhunë psiqike ndaj vëllait të tij viktimës m/k duke kërkuar të ia liroj shtëpinë. Me vendim të prokurorit i dyshuari është dërguar në mbajtje”, njofton Policia.
Rasti tjetër në rajonin e Gjakovës është raportuar nga një grua e cila është sulmuar fizikisht nga bashkëshorti i saj, e cila ka pranuar edhe tretman mjekësor.
“Gjakovë 09.08.2025, 21:20.Dyshohet se pas një mosmarrëveshje ankuesja f/k është sulmuar fizikisht nga bashkëshorti i saj i dyshuari m/k. E njëjta ka pranuar tretman mjekësor, ndërsa i dyshuari është arrestuat dhe pas intervistimit me vendim të prokurorit është liruar në procedurë të rregullt”, njofton Policia përmes raportit 24-orësh.
Ndërsa rasti tjetër u raportua në Mitrovicën e Jugut ku pas raportimit i dyshuari është arrestuar nga Policia pasi ka sulmuar fizikisht bashkëshorten e tij, i dyshuari është dërguar në mbajtje.
“Mitrovicë Jugu 09.08.2025, 15:30. Është arrestuar i dyshuari m/k pasi që i njëjti pas një mosmarrëveshje kishte sulmuar fizikisht viktimën f/k bashkëshorten e tij. Viktima ka pranuar tretman mjekësor, ndërsa i dyshuari pas intervistimit me vendim të prokurorit është dërguar në mbajtje”, njofton Policia. /Gazeta Enigma/
