Drejtori i Zyrës serbe për Kosovën, Petar Petkoviq, ka deklaruar se Asociacioni i komunave me shumicë serbe nuk do të jetë organizatë joqeveritare.
Kësisoj ai i është përgjigjur deklaratave të zëvendëskryeministrit të Kosovës, Besnik Bislimi i cili theksoi se Asociacioni nuk nënkupton autonomi territoriale por vetëm organizatë joqeveritare.
“Ata po përpiqen me këmbëngulje ta reduktojnë në nivel të një organizate joqeveritare, megjithëse është e qartë se Beogradi në përpjekjet e tij për të krijuar mekanizma solidë dhe të besueshëm për mbrojtjen e pozitës dhe të drejtave të popullit serb në Kosovë, nuk do të devijojë as edhe një pikë nga Marrëveshja e Parë e Brukselit dhe aktet tjera nga Dialogu që përcakton qartë Asociacionin”, ka thënë Petkoviq.
