Prokurimi për rindërtimin dhe përshtatjen e Stadiumit në Gjilan është pezulluar pas dorëzimit të dy ankesave në Organin Shqyrtues të Prokurimit (OSHP).
Ky pezullim është bërë në përputhje me Nenin 108/A të Ligjit për Prokurimin Publik të Republikës së Kosovës dhe do të mbetet në fuqi deri në marrjen e një vendimi të ri nga autoritetet kompetente, shkruan Gazeta Enigma.
Tenderi i pezulluar përfshinte punë ndërtimore për zbatimin e projektit të detajuar të rregullimit hapësinor, arkitekturës dhe inxhinierisë, në përputhje me Kategorinë IV të rregulloreve dhe udhëzimeve teknike të UEFA-s për infrastrukturën e stadiumeve. Numrat zyrtarë të tenderit janë 207-24-8996-5-1-1 dhe 207-24-079-5-1-1.
Pezullimi i procesit të prokurimit për rindërtimin dhe përshtatjen e Stadiumit në Gjilan është bërë për shkak të ankesave të paraqitura nga dy operatorë ekonomikë.
Të dy këto ankesa janë aktualisht në shqyrtim nga Organin Shqyrtues të Prokurimit (OSHP). Autoritetet kanë njoftuar se do të bëjnë të ditur vendimin përfundimtar sapo të përmbyllet procesi i shqyrtimit./GazetaEnigma/
