Nisja e udhëtimeve ndërkombëtarë pa probleme është mbase treguesi më i mirë nëse jemi kthyer vërtet në ndonjë formë të normalitetit.
Numri i fluturimeve ndërkombëtare për turizëm ra me 74 për qind në vitin 2020 krahasuar me 2019.
Deri më tani, 3.7 miliardë doza të vaksinës kundër COVID-19 janë dhënë në të gjithë botën. Por, jo të gjitha vaksinat janë njësoj të vlefshme kur kaloni kufirin mes shteteve.
Sipas VisaGuide.World, vaksina më e pranuar në të gjithë botën, për sa i përket kalimit të kufirit, është ajo e AstraZeneca, e cila është aprovuar nga 119 vende, përfshirë Organizatën e Botërore të Shëndetësisë.
Pas AstraZeneca vjen Pfizer-BioNTech, e cila është aprovuar nga pothuajse 90 vende, e ndjekur nga Sputnik V (i njohur nga më shumë se 60 vende). Pas kësaj vijnë Moderna dhe “Johnson&Johnson”.
Nga ana tjetër, CanSinoBio kineze është njohur nga vetëm disa shtete. Në faqen VisaGuide, ju mund të kontrolloni se cilat vende e njohin vaksinën që keni marrë.
Vendosni vaksinën në rreshtin e parë dhe destinacionin e dëshiruar në të dytën, pas së cilës do të merrni informacionin e kërkuar.
