Një person i plagosur me armë zjarri gjatë së dielës është në spitalin e Vlorës.
Bëhet e ditur se i plagosuri është një person i moshës 29-vjeçare, raporton Abcneës.al, transmeton Gazeta Enigma.
Policia ka njoftuar se 29-vjeçari ndodhet në spital, nën kujdesin e mjekëve.
“Sot, rreth orës 18:40, në ambientet e një karburanti (bar), në Orikum, dyshohet se gjatë një konflikti, për motive të dobëta, shtetasi Q. B. ka plagosur me armë zjarri shtetasin S. V., 29 vjeç, i cili ndodhet në spital, nën kujdesin e mjekëve”.
“Shërbimet e Policisë kanë shkuar menjëherë në vendngjarje, kanë rrethuar zonën dhe vijojnë krehjen e saj për kapjen e autorit të dyshuar. Grupi hetimor, nën drejtimin e Prokurorisë, po punon për zbardhjen dhe dokumentimin e plotë të ngjarjes”, thuhet tutje në njoftimin e policisë. /Gazeta Enigma
