Një zyrtar policor është plagosur në lagjën Arbëria në Prishtinë, në rrugën “Arben Xheladini”, raporton Gazeta Enigma.
Burimet e Gazetës Enigma bëjnë me dije se gjendja e policit të plagosur është jashtë rrezikut për jetë.
Sot gjatë një operacioni, Policia ka rrethekuar grupin e dyshuar të grabitësve të argjendarisë në Suharekë.
Nga shkëmbimi i zjarrit me grupin e grabitësve, burime të Enigmës bëjnë me dije se një polic është plagosur, ndërsa një person nga grupi i grabitësve është vrarë, ndërsa një tjetër është arrestuar nga Policia.
Personi që dyshohet se ka mbetur i vrarë është Dukagjin Gashi.
Burimet bëjnë me dije se polici i plagosur dyshohet të jetë pjesëtar i FIT-it.
Një tjetër nga grupi, raportohet të jetë në arrati.
Më 22 nëntor ka ndodhur një plaçkitje e armatosur në një argjendari në qytetin e Suharekës. Në tentativën për ta parandaluar plaçkitjen, është plagosur një polic i Kosovës në këmbë.
Nga ky incident, përveç një polici të plagosur, kishte mbetur edhe një tjetër i lënduar.
Enigma ka kontaktuar policinë për të marrë informacione shtesë, mirëpo të njëjtit ende nuk kanë dhënë përgjigjie.
