Policia e Kosovës, së fundmi ka hasur në një vetur të dyshimtë me targa malazeze.
Kjo ndodhi gjatë një feste ortodokse, sot në Manastirin e Deçanit.
Në targat e kësaj veture ishte mbishkrimi “Kosova është Serbi”.
Ndërkaq policia pas një pune intensive ka arrestuar tre të dyshuar, që gjendeshin në automjet.
Rastin për Gazeta Enigma e ka konfirmuar zëdhënësi i policisë për rajonin e Pejës, Fadil Gashi.
“Policia ka hasur në një parking një veturë me targa të Malit të Zi, ku në to ishte e shënuar ‘Kosova është Serbi’. Policia ka arritur te identifikojë të dyshuarit dhe pas një pune intensive i ka arrestuar tre persona, janë intervistuar dhe me vendim të prokurorit të shtetit të njëjtit janë ndaluar për 48 orë”, tha Gashi.
Rasti është duke u hetuar dhe po cilësohet si “nxitje te urrejtjes”. /Gazeta Enigma
