Presidenti i Federatës së Futbollit të Kosovës ka takuar dje ish-presidentin e SC Gjilani, Florim Zuka i cili në mënyrë të befasishme dha dorëheqje nga posti i presidentit të klubit.
Zuka u largua nga skuadra në kohën kur ekipi i tij u eliminua nga garat ndërkombëtare.
Numri një i FFK-së, Agim Ademi është takuar dje më të dhe ka shprehur keqardhje për largimin e tij.
Postimi i plotë i Agim Ademit:
Sot në vilën e tij në Buna të Ulqinit e takova Florim Zukën (Talin), ku biseduam rreth largimit të tij nga SC Gjilani. Ai e shpjegoj arsyen e largimit nga posti i kryetarit të klubit dhe planet e mëtutjeshme.
Shpreha keqardhjen time që nga futbolli kosovar u largua një investitor i madh, i cili do t’i mungojë shumë qytetit dhe FC Gjilanit.
Tali për 5 vjet e gjysmë e udhëhoqi me sukses SC Gjilanin dhe investoi shumë i vetëm, prandaj mungesa e tij do të jetë e madhe te klubi dhe tek tifozët “Skifterat”.
Talin e falënderoj për atë që i dha klubit dhe futbollit kosovar gjatë kësaj periudhe dhe i uroj suksese të vazhdueshme në bizneset e tij, me shpresë që edhe në të ardhmen do të jetë anëtar i familjes së madhe të futbollit.
Ndërkaq, SC Gjilanit i uroj riorganizim sa më të shpejtë dhe rrugëtim të sukseseshëm edhe në të ardhmen.
/Gazeta Enigma/
