Klubi i Futbollit Prishtina ka njoftuar zyrtarisht për përfundimin e bashkëpunimit me trajnerin Jean-Michel Cavalli. Vendimi është marrë pas një marrëveshjeje të përbashkët mes palëve, si dhe për shkak të gjendjes shëndetësore të trajnerit.
“Falënderojmë trajnerin Cavalli për përkushtimin dhe kontributin e dhënë gjatë kohës së tij në klub. I urojmë shëndet të plotë dhe shumë suksese në të ardhmen, si në aspektin personal ashtu edhe profesional,” thuhet në njoftimin e klubit.
FC Prishtina e përmbyll njoftimin me një falënderim të veçantë për trajnerin francez: Merci, Mr. Cavalli!
