Prishtina ka kaluar në çerekfinale të Kupës së Kosovës, pasi ka mposhtur Gjilanin pas ekzekutimit të penalltive 1-4, pasi loja e rregullt dhe shtesa përfunduan baras 0-0.
Në minutën e 19-të mysafirët nga kryeqyteti mbetën me një futbollist më pak në fushë, pasi Kushtrim Gashi u ndëshkua me karton të kuq.
Një person nga Ohri ka sulmuar një punonjës të Shërbimit të Urgjencës
Deri në 400 ushtarë gjermanë pritet t’i bashkohen KFOR-it
Kjo uebfaqe e frikshme zbulon gjithçka që di interneti për ju
Arion publikon këngën e re të titulluar “Loyalty”
KFOR-i në patrullim përgjatë kufirit Kosovë-Serbi
Nëntë minuta më vonë Prishtina shënoi me Hysenin, por që goli u anulua për pozitë jashtë loje. Kushtrim Shabani provoi për Gjilanin, por pa sukses.
Kësisoj 45 minutat e para të ndeshjes u mbyllën me rezultatin baras 0-0.
Edhe në pjesën e dytë dy skuadrat krijuan disa raste shënimi, por pa arritur të gjenin golin dhe ndeshja përfundoi baras 0-0 brenda 90 minutave.
Edhe në kohën shtesë dy skuadrat krijuan raste të mira shënimi, por pa arritur të preken portat e Halimit dhe Kolajt.
Ndërkohë në ekzekutimin e penalltive, Prishtina ishte më e saktë duke fituar me rezultat 1-4.
Jalen Blesa, Genc Hamiti, Mërgim Pefqeli dhe Egzon Sinani realizuan për Prishtinën.
Ndërkohë Elton Cale realizoi për Gjilanin, derisa penalltitë u humbën nga Shend Kelmendi dhe Kushtrim Shabani.
Penalltitë:
Blesa (Pr) 0-1
Kelmendi (Gji) 0-1 (humb)
Hamiti (Pr) 0-2
Cale (Gji) 1-2
Pefqeli (Pr) 1-3
Shabani (Gji) 1-3 (humb)
Sinani (Pr) 1-4
