Numri i rasteve aktive me coronavirus në Kosovë është 6,815, kurse Prishtina është komuna që ka më së shumti raste.
Sipas Ministrisë së Shëndetësisë në 24 orët e fundit nga 9,169 testime, 1,370 persona kanë rezultuar pozitivë, ndërsa janë shëruar 47 persona.
Në total numri i rasteve aktive është 6,815, ku prej tyre prin komuna e Prishtinës me 1324, pasuar nga Gjilani me 636, Ferizaj 613 raste, Gjakova 501, Peja 445, Prizreni 330, Fushë Kosova 315, Podujeva 300, Mitrovica 299, Klina 282, Lipjani 232, Rahoveci 212, Vitia 186, Drenasi 148, Kamenica 126, Vushtrria 120, etj.
Që nga fillimi i pandemisë me coronavirus në Kosovë kanë vdekur 2,280 persona, janë infektuar 115,151, ndërsa janë shëruar 106,056 persona. Deri më tani janë testuar 953,794 persona.
