Prokuroria Speciale e Kosovës ka kërkuar nga shteti kroat prova për serben nga Mitrovica e Veriut të arrestuar në Kroaci nën dyshimet për spiunazh.
Për “RTK”-në, Prokuroria Speciale ka konfirmuar se kanë dërguar kërkesë zyrtare.
“Lidhur me arrestimin e një shtetaseje të Republikës së Kosovës në Kroaci, ju njoftojmë se Prokuroria Speciale është në kontakt me autoritetet përkatëse. Tashmë Prokuroria u ka dërguar kërkesë zyrtare për sigurimin e provave autoriteteve të Kroacisë, në përputhje me marrëveshjet për bashkëpunim juridik ndërkombëtar. Prokuroria Speciale do të ndërmarrë të gjitha veprimet e nevojshme ligjore në lidhje me këtë çështje”, kanë thënë nga Prokuroria.
