Rada Trajkoviq, Këshilltarja e Ministrit në Qeverinë e Republikës së Kosovës, Nenad Rashiq, është dërguar në spital me autoambulancë pasi shëndeti i saj është përkeqësuar.
“Mami sapo është transferuar me ambulancë në Prokuplje, pasi shëndeti i saj është përkeqësuar papritur”, thuhet në Twitter-in e politikanes Rada Trajkoviqit në të cilin ka shkruar e bija e saj.
“Ekzaminimi tregon shenja të hershme të pneumonisë. Ne e vlerësojmë mbështetjen tuaj dhe do t’ju mbajmë të përditësuar për statusin e saj”, ka shkruar vajza e saj.
Rada Trajkoviq, kryetarja e Lëvizjes Evropiane të Serbëve nga Kosova dhe këshilltare e ministrit të Kosovës për Komunitete dhe Kthim, ka pothuajse 12 orë në vijën administrative, ku policia serbe e ndaloi derisa ajo po kthehej në Serbi.
Ajo ka shkruar se që 12 orë nuk i është ofruar ushqim, ujë apo ilaçe që i nevojiten.
“12 orë në linjë administrative rrugës nga Kosova. Pa ushqim, pa ujë, pa ilaç, pa arsye. Gjithë natën, në mes të dimrit, në makinë. Dokumentet e konfiskuara, pa komunikim. A do të reagojë dikush ndaj kësaj torture?”, ka shkruar ajo.
Ndërkaq, të enjten, Trajkoviq u ndalua për herë të parë nga policia serbe në vendkalimin administrativ, Merdare, gjatë hyrjes në Kosovë.
Ovu poruku piše ćerka Rade Trajković.
Mama je upravo prebačena sanitetskim vozilom u Prokuplje jer joj je zdravstveno stanje naglo pogoršano. Pregled pokazuje rane znake upale pluća.
Zahvaljujemo vam se na podršci i obaveštavaćemo vas o njenom stanju. pic.twitter.com/91k6Oe7CHV— Rada Trajkovic (@trajkovic_rada) December 16, 2022
