Chelsea ishte i interesuar për sulmuesin norvegjez, por kërkesat e menaxherit italian për Haalandin dhe për vete ishin të larta.
Erling Haaland ishte objektivi kryesor i Chelseat gjatë kësaj vere. Por, “Blues” hasën në vështirësi për ta transferuar sulmuesin e Borussia Dortmundit.
Dhe, në fund ata e rikthyen Romelu Lukakun, të cilin e blenë nga Interi. E prapa dështimit të transferimit të Haalandit në “Stamford Bridge” qëndron menaxheri i tij, Mino Raiola.
Menaxheri italian në fakt e kishte kërkuar një rrogë vjetore prej 50 milionë eurosh për klientin e tij. Lajmin e ka bërë të ditur mediumi gjerman “Bild”.
Raiola po ashtu i kishte kërkuar 40 milionë euro si menaxher i lojtarit. Megjithatë, Chelsea ishte dorëzuar para kohe dhe nuk ia kishte bërë fare ofertën Borussia Dortmundit. Gjithashtu, interesim për Haalandin kishin shfaqur edhe Real Madridi, Manchester United dhe Manchester City.
