Kryeministri i Shqipërisë, Edi Rama, njoftoi sot përmes “Facebook” se po niset drejt Hagës për ta takuar Hashim Thaçin, raporton Gazeta Enigma.
Ai gjatë një deklarate në “Facebook” tha se samiti i djeshëm BE-Ballkani Perëndimor në Bruksel ka qenë me rezultate të mira edhe për Shqipërinë edhe për Kosovën.
Për heqjen e masave ndëshkuese që u mor vendimi dje, Rama tha se ka pasë një “koordinim të mirë” mes dy vendeve për këtë qëllim, por tha se meritat i ka presidentja Vjosa Osmani.
“Mbrëmë kemi përmbyllë një samit të BE-së me Ballkanin Perëndimor që ka qenë inkurajues, ka qenë i suksesshëm për Shqipërinë po se po, por edhe për Kosovën. Për hir të vërtetës më duhet ta them, presidentja e Kosovës ka shkëlqyer dhe me fjalë bindëse, por edhe si rezultat i një pune këmbëngulëse dhe i një koordinimi të mirë që kemi bërë në javët e fundit, pa dashur këtu të marr asnjë meritë, ia ka dalë të zhbllokojë të gjithë ato fonde të bllokuara prej kohësh nga ana e BE-së”. / Gazeta Enigma.
