Kryeministri i Shqipërisë, Edi Rama ka reaguar pas situatës së tensionuar në veri, pas vendosjes së reciprocitetit për targat nga ana e autoriteteve kosovare, raporton Gazeta “Enigma”.
Në një postim në rrjetet sociale, Rama thekson se Kosova e ngre problemin me plotë të drejtë, ndërsa shton se duhet shmangur bumerangu i ngrirjes së konfliktit siç ndodhi me tarifën 100%.
Sipas Ramës, Kosova duhet të dialogojë, Serbia të bashkëpunojë dhe BE të ndërmjetësojë.
“Kosova e ngre problemin me plot të drejtë. Tani që problemi të zgjidhet dhe reciprociteti i targave të garantohet duhet shmangur bumerangun e ngrirjes së konfliktit në këtë pikë (siç ndodhi me tarifën 100%).Duhet që Kosova të dialogojë, Serbia të bashkëpunojë, BE të ndërmjetësojë,” shkruan Rama.
