Rikthimi në verë i Messit te Barcelona është i pamundur

Rikthimi në verë i Messit te Barcelona është i pamundur

Gerard Romero ringjalli thashethemet për rikthimin e mundshëm të Lionel Messit në Barcelonë të hënë e kësaj jave, me një raportim bombastik që sugjeroi se sulmuesi nuk është afër rinovimit të kontratës së tij me Paris Saint-Germain.



Por, raportimet e tij që atëherë janë hedhur poshtë nga mediumi te ndryshme dhe individë me reputacion, përfshirë Fabrizio Romanon. Eksperti italian i transferimeve sugjeron se 35-vjeçari është i etur për të vazhduar te PSG dhe do të mbajë një takim me gjigantët francezë në ditët në vijim.

Gazeta spanjolle Directo Gol ka transmetuar burime në Barcelonë të cilët besojnë se nënshkrimi i Messit mbetet ‘i pamundur’ .

Për më tepër, Ben Jacobs ka ofruar gjithashtu një përditësim mbi situatën. Gazetari pretendon se kthimi i Messit në Barcelonë nuk ka gjasa pasi lojtari është i lumtur me jetën e tij në kryeqytetin francez.

Ka pasur raportime që e lidhin Messin me një lëvizje në Arabinë Saudite, me Al Hilal, një nga klubet që thuhet se kërkon të nënshkruajë me argjentinasin, në përgjigje të rivalëve të tyre Al Nassr që morën Cristiano Ronaldon.

Por, Al Hilal i ka hedhur poshtë thashethemet e tilla dhe vetë Messi nuk ka treguar dëshirë për t’u transferuar në Arabinë Saudite në këtë fazë të karrierës së tij, veçanërisht mes shpresave për të fituar një Top të Artë të tetë.

Messi me të vërtetë ka konsoliduar pozicionin e tij si një nga favoritët për të fituar Topin e Artë këtë vit, pasi udhëhoqi Argjentinën drejt një titulli të Kupës së Botës. Ai gjithashtu ka qenë i përfshirë në 27 gola në vetëm 21 ndeshje konkurruese me PSG-në këtë sezon.

Sa i përket Barcelonës, duket se katalanasit thjesht nuk janë në gjendje financiare për të bërë një lëvizje për ish-kapitenin e tyre. Klubi do të këshillohej më mirë të zhvendoste vëmendjen në objektiva më realiste, duke përfshirë Martin Zubimendin, i cili po identifikohet si një zëvendësues i mundshëm afatgjatë për Sergio Busquets. 

Related Articles