Cristiano Ronaldo preku organet e tij gjenitale në përgjigje të thirrjeve “Messi, Messi!” që tifozët e Al-Hilal ia kushtuan atij në fund të derbit të ligës arabe që Al-Nassr i CR7 humbi 2-0 .
Ishte një natë zhgënjyese për pesë herë fituesin e Topit të Artë, pasi skuadra e tij humbi pikë vendimtare në garën për titull të Ligës Saudite Pro.
Një dygolësh nga ish-sulmuesi i Manchester United, Odion Ighalo, i cili realizoi festën ikonë të Lionel Messit pasi shënoi të dyja penalltitë, vulosi të tre pikët për vendasit.
Dhe për të bërë edhe më të dhimbshme humbjen, një pjesë e madhe e tifozëve të Al Hilal brenda stadiumit me kapacitet 35 mijë vendesh të këndonin emrin e Messit ndërsa Ronaldo largohej nga fusha.
Në fakt, disa mbështetës madje tundnin fanellat e Messit teksa festonin një fitore të madhe ndaj rivalëve për titull, Al Nassr.
Siç shihet edhe në pamjet e publikuara, Ronaldo u shfaq duke iu përgjigjur atyre thirrjeve dhe valëzimeve të fanellave me një gjest të pahijshëm duke mbajtur gjenitalet përpara se të kalonte në tunelin e stadiumit “Blue Jewel”.
Reagimi i turpshëm i Cristiano Ronaldos ndaj provokimit të tifozëve të Al-Hilal ka shkaktuar bujë në rrjetet sociale.
Thirrja pothuajse e zakonshme ‘Messi, Messi, Messi’ është bërë një tipar i rregullt kur Ronaldo luan një ndeshje jashtë fushe në Arabinë Saudite.
