Rrahje me grushte sërish në burgun e Dubravës, dy të burgosur përleshen me njëri-tjetrin

Rrahje me grushte sërish në burgun e Dubravës, dy të burgosur përleshen me njëri-tjetrin

Përleshjet mes të burgosurve në qendrat korrektuese në vendin tonë nuk janë edhe aq të rralla. Raste të tilla e incidente të tjera, siç është ikja e të dënuarve janë goxha të shpeshta dhe po ndodhin pikërisht në kohën kur ministrja e Drejtësisë, Albulena Haxhiu po krekoset se po udhëheq suksesshëm me ministrinë dhe ka rritur nivelin e sigurisë në burgje, raporton Gazeta Enigma.



Gazeta Sinjali ka raportuar së fundmi për plot ngjarje të tilla, sidomos në Burgun e Dubravës. Rrahjet në këtë qendër kanë qenë të shpeshta ditët e fundit dhe rasti i fundit ka ndodhur të hënën.

Sipas informacioneve të para, të burgosurit F.S., dhe E.H., dyshohet se janë përfshirë në një përleshje, ku e kanë sulmuar fizikisht njëri-tjetrin, pas një mosmarrëveshje momentale që patën mes vete. Për pasojë njëri prej tyre ka pësuar lëndime trupore.

Si masë parandaluese që të mos eskalohet situata, oficerët kanë ndërhyrë, ndërsa i burgosuri që u lëndua ka marrë trajtim mjekësor, teksa është njoftuar edhe Prokurori i Shtetit, që ka urdhëruar inicimin e rastit si “Lëndim i lehtë trupor’.

Related Articles