Rreth 10 mijë konsumatorë në Prishtinë qe mbi 10 orë pa rrymë

Rreth 10 mijë konsumatorë në Prishtinë qe mbi 10 orë pa rrymë

Kanë kaluar 10 orë prej kur një pjesë e kryeqytetit ka mbetur pa energji elektrike, pas një incidenti të zjarrit në Nënstacionin Prishtina. Rreth 10 mijë konsumatorë janë duke u përballur me mungesë të rrymës dhe akoma nuk ka një informacion zyrtar se çfarë është duke ndodhur.



Njoftimi i fundit i KEDS-it është para 4 orëve ku njoftoi se “ekipet e KEDS-it, edhe pse në gatishmëri, për momentin e kanë të pamundur për të intervenuar”, pasi sipas tyre kanë qenë duke u kryer ekzaminimet e nevojshme.

“Njoftojmë konsumatorët se pas zjarrit në Nënstacionin Prishtina 3 të KOSTT, që furnizon kryesisht qendrën e qytetit të Prishtinës, se meqenëse aty gjenden institucionet relevante shtetërore duke bërë vlerësimin e gjendjes dhe verifikimet e nevojshme.”

Por nga ora 16:47, KEDS s’ka dalë ende me ndonjë informacion për mundësinë e intervenimit të KEDS-it për të riparuar dhe rikthyer energjinë elektrike.

Related Articles