Në Shqipëri, 992 persona janë konfirmuar pozitivë me COVID-19 gjatë 24 orëve të fundit, ndërsa 4 pacientë e kanë humbur betejën me virusin.
Rastet e reja kanë rezultuar nga 5480 testime që janë kryer.
Gjatë 24 orëve të fundit janë shëruar 843 qytetarë nga virusi, duke e çuar numrin e të shëruarve në 144,122 që nga fillimi i pandemisë.
Numri i të infektuarve me COVID-19 në vendin tonë është aktualisht 12,744.
Ministria e Shëndetësisë u bën apel qytetarëve që të vaksinohen sa më parë. Gjatë këtij muaji qytetarët që janë mbi 18 vjeç mund të marrin vaksinën anti-COVID nëpër qendrat e vaksinimit në vend.
