Gjatë ditës, kryeministri i Kosovës, Albin Kurti dhe ministri i Financave, Hekuran Murati, kanë mbajtur një konferencë për media.
Nga aty, Kurti ka treguar se duke filluar nga muaji tetor, do të rriten për 20% të gjitha pensionet.
Lidhur me këtë ka folur edhe Murati.
Ai është shprehur se nga rritja e pensioneve, do të përfitojnë 304 mijë e 16 qytetarë.
“Është një lajm i mirë për të gjithë pensionmarrësit, sepse rritja do të jetë së paku prej 20 për qind, pra ato pensione që rregullohen sipas skemave dhe ligjit për pensionet e financuara nga shteti, rritja do të fillojë të zbatohet nga ky muaj, pra muajit tetor. Edhe pensioni për kategori të luftës, do të hyjë në fuqi nga janari”.
“Ky numër prek 304 mijë e 16 përfitues. Impakti i tërësishëm buxhetor parashihet të jetë prej 100 milionë euro shtesë”, tha Murati. /Gazeta Enigma
