Rusia thotë se Ukraina po planifikon të organizojë një incident bërthamor në territorin e saj për të fajësuar Moskën përpara një takimi të OKB-së, ndërkaq nuk ka dhënë prova për akuzën.
Që nga fillimi i pushtimit të Ukrainës gati një vit më parë, Rusia ka akuzuar vazhdimisht Kievin për planifikimin e operacioneve me armë jo-konvencionale, duke përdorur materiale biologjike ose radioaktive. Asnjë sulm i tillë nuk është realizuar.
Ministria e Mbrojtjes e Rusisë tha në një deklaratë se substanca radioaktive ishin transportuar në Ukrainë nga një vend evropian dhe Kievi po përgatiste një “provokim” në shkallë të gjerë.
“Qëllimi i provokimit është të akuzojë ushtrinë ruse se pretendohet se ka kryer sulme pa dallim në objektet e rrezikshme radioaktive në Ukrainë, duke çuar në rrjedhje të substancave radioaktive dhe ndotje të zonës”, thuhet në deklaratë.
Ukraina dhe aleatët e saj i kanë hedhur poshtë këto akuza si përpjekje cinike për të përhapur dezinformata dhe e kanë akuzuar Moskën se po planifikon incidente të tilla në një përpjekje për të fajësuar Ukrainën.
