Senatori Murphy i ashpër për ngjarjet në Veri: Kurti ta ndalë menjëherë provokimin, jam i befasuar

Senatori Murphy i ashpër për ngjarjet në Veri: Kurti ta ndalë menjëherë provokimin, jam i befasuar

Senatori amerikan, Chris Murphy, i cili këtë javë ishin në vizitë zyrtare në Kosovë, tha se u zu në befasi nga ngjarjet e sotme në veri të vendit.



Ai tha se në takimin që pati me kryeministrin Albin Kurti nuk është folur për një plan të tillë nga ana e institucioneve të Kosovës.


“Në takimin tim të hënën në Prishtinë me kryeministrin Kurti, ai nuk përmendi ndonjë plan për qasje në ndërtesat komunale. Si mik i Kosovës jam zënë totalisht në befasi dhe duhet t’i japë fund këtij provokimi menjëherë”.

Ai tha se për këtë “zhvillim shqetësues” ka pasë edhe një telefonatë me Këshilltarin Special të Departamentit të Shtetit, Derek Chollet.

Murphy ka rishpërndarë edhe postimin e ambasadorit amerikan në lidhje me situatën në veri.

Ambasada e SHBA-së në Kosovë i ka dënuar veprimet e autoriteteve të shtetit të Kosovës për t’i futur kryetarët e rinj në objektet e komunave.

Në një reagim në profilin e ambasadorit amerikan, Jeff Hovenier, thuhet se “masat e dhunshme” duhet të ndërpriten menjëherë.

Related Articles