Ditë më parë si pasojë e një aksidenti që ndodhi në Slavonski Brod të Kroacisë, humbën jetën 10 kosovarë, të cilët ishin nisur drejt Kosovës nga Gjermania.
Arsyet që shkaktuan aksidentin, dyshohet të jetë një çast gjumi, të cilin thuhet se e zuri shoferin gjatë ngasjes së autobusit.
Megjithatë, problem tejet i madh në trafik, po del të jetë edhe përdorimi i telefonëve nga shoferët gjatë ngasjes së automjetit.
Një rast të tillë e dëshmojnë edhe këto pamje të cilat lexues të klankosova.tv, kanë dërguar në këtë redaksi, përcjellë Gazeta Enigma.
Aty shihet një shofer autobusi që ka destinacion Kosovën, ku në rrugët e Gjermanisë, përdorë gjatë ngasjes telefonin për të komunikuar me dikë.
Në këtë autobus gjenden të paktën 50 pasagjerë kosovarë, të cilët nga Gjermania kanë destinacion Kosovën, ndërsa aktualisht gjenden në Austri, transmeton Gazeta Enigma.
