Një zjarr në rajonin Volos, në Greqinë qendrore, arriti në një depo municionesh jashtë një baze të madhe ajrore ushtarake në Nea Anchialos, duke shkaktuar një seri shpërthimesh të mëdha që thyen xhamat e shtëpive në zonën përreth.
Forcat ajrore thanë se vendi, rreth 6 kilometra në veri të bazës ajrore, ishte evakuuar shumë përpara dhe nuk u raportua për të lënduar, raporton Skynews.
Shërbimi i zjarrfikësve tha gjithashtu se nuk kishte të lënduar në fshatrat e afërta, të cilat ishin urdhëruar të evakuoheshin si masë paraprake.
Televizioni shtetëror ERT tregoi banorët e fshatit dhe vizitorët që shkonin drejt një porti të vogël lokal për t’u evakuuar nga deti, ndërsa të tjerët po përgatiteshin të largoheshin me veturë.
Baza ajrore është rreth 19 kilometra nga qyteti i Volos, ku u dëgjuan fuqishëm shpërthimet.
