Gazeta Enigma pak më parë raportoi për një aksident trafiku në fshatin Rogovë të Gjakovë si pasojë e përplasjes mes dy veturave. Në këtë aksident kanë mbetur të lënduar shtatë persona të cilët janë duke u trajtuar.
Rastin për Gazetën Enigma e ka konfirmuar zëdhënësi i Policisë për rajonin e Gjakovës, Sheremet Elezaj.
“Në këtë aksident kanë qenë të përfshira dy automjete dhe dy këmbësorë. Fillimisht është raportuar për tre persona të lënduar (dy këmbësorë dhe njëri nga shoferët e automjeteve). Më vonë trajtim mjekësor ju është ofruar edhe katër personave tjerë (tre pasagjerë dhe shoferit të automjetit tjetër)”, tha Elezaj.
Ai shtoi se rasti vazhdon të trajtohet nga Njësia Rajonale e Komunikacionit Rrugorë.
