Kanë përfunduar dy ndeshjet e ditës së sotme në Superligën e Kosovës në futboll
Llapi-Drenica dhe Ulpiana-Dukagjini ishin duelet e ditës së sotme, të vlefshme për xhiron e gjashtë.
Të dyja këto ndeshje përfunduan pa fitues.
Llapi barazoi 1:1 me Drenicën, duke bërë që të mos arrijë ende fitore në edicionin e ri të Superligës edhe pas gjashtë ndeshjeve dhe vendoset në pozitën e fundit me tri pikë.
Në anën tjetër, Drenica shkoi në kuotën e 11 pikëve në vendin e tretë përkohësisht.
Ndeshja tjetër mes Ulpianës dhe Dukagjinit përfundoi pa fitues dhe pa gola. Kështu, Ulpiana grumbullon pesë pikë në vendin e tetë, kurse Dukagjini ka tri pikë në vendin e nëntë.
