Spanja planifikon të dërgojë raketa Patriot dhe tanke Leopard në Ukrainë, si pjesë e një pakete armësh prej 1.23 miliardë dollarësh të miratuar muajin e kaluar.
Spanja do t’i dorëzojë Ukrainës disa raketa të rëndësishme anti-ajrore Patriot dhe 19 tanke Leopard 2A4 të prodhimit gjerman dhe armë të tjera të prodhimit spanjoll, të tilla si pajisje kundër dronëve dhe municione, raportoi gazeta El Pais, duke cituar burime të paidentifikuara pranë operacionit, transmeton Gazeta Enigma.
Njoftimi i ri i dorëzimit të armëve do të jepet gjatë një vizite zyrtare të presidentit ukrainas Volodymyr Zelenskiy në Madrid, ku ai do të takohet me kryeministrin Pedro Sanchez dhe mbretin Felipe.
Vlera e paketës u miratua muajin e kaluar nga qeveria, megjithëse nuk specifikoi se cilat armë përfshinin. /Gazeta Enigma
