Suhareka ka triumfuar 3-2 në udhëtim te Feronikel ’74 në kuadër të javës së 33 në Albi Mall Superligën e Kosovës.
Pas vetëm gjashtë minutash lojë, Endrit Krasniqi krijoi rastin e parë serioz për mysafirët, pot goditja e tij doli jashtë.
Mirëpo, vetëm një minutë më vonë, Jakup Berisha kaloi Suharekën në epërsi për 1-0.
Pas gjysmëore lojë, mysafirët shënuan edhe golin e dytë, tani nëpërmjet Fitim Susurit.
Në minutën e 57-të, Suhareka shënoi edhe golin e tretë përmes Mevlan Zekës, duke thelluar rezultatin në 3-0.
Suhareka në minutën e 69-të mbeti me dhjetë lojtarë në fushë, me çka edhe iu vështirësua fitorja.
Në minutën e 72-të, Nikli u kundërpërgjigj me anë të Qorrit për të ngushtuar epërsinë e Suharekës për 3-1.
Skuadra nga Drenasi nuk u dorëzua dhe shënoi për 3-2 në minutën e 90+4-të, por që nuk ia dolën ta befasonin skuadrën mysafire.
Feronikeli ’74 tashmë ka rënë nga liga, pasi ka vetëm 15 pikë në vendin e fundit, ndërsa Suhareka po lufton të paktën për ta kapur barazhin, pasi ka 36 pikë, në vendin e parafundit, katër më pak se Llapi që është në zonën e barazhit.
Teksa, Dukagjini dhe Prishtina kanë barazuar me rezultat 0-0 në ndeshjen e vlefshme për javën e 33-të në Superligën e Kosovës.
Mysafirët e nisën më mirë takimin, duke shënuar me Leotrim Kryeziun, por që goli u anulua për pozitë jashtë loje.
Dukagjini provoi me Mërgim Pefqelin, por gjuajtja e tij shkoi ngjitur me shtyllën.
Edhe në pjesën e dytë, të dy skuadrat kishin tastet e tyre, me Prishtinën që provoi me Alex Gnapin, por sulmuesi u vonua në fund.
Dukagjini ka mundur të shënojë lehtë, por Victor Hugo gaboi në dy raste, ndërsa Isufi u vonua në një rast të mirë që kishte.
Prishtina ka mundur t’i marr tri pikët në kohën shtesë, por gjuajtja e Alban Shillovës u ndal nga shtylla, ndërsa nga topi i kthyer Dashmir Elezi gjuajti në trup të portierit.
Pas kësaj ndeshje, Prishtina ka 44 pikë në vendin e gjashtë, ndërsa Dukagjini është i shtati me 42 pikë.
