Kanalet e ujësjellësit të Kompanisë Rajonale ”Ibër Lepenc” në veri të vendit dyshohet të jenë sulmuar me dinamitë, raporton Enigma.
Rastin e ka konfirmuar edhe kryeshefi i kësaj KRU-je, Faruk Mujka.
Ai tha se po mundohen të sanojnë dëmin.
“Po. Këtë punë e ka marrë në kompetencë policia. Po, e kemi një dëmtim dhe për momentin e kemi ndaluar ujin dhe po këqyrim me e sanu sa më shpejt, sepse prej aty po lirohet edhe ujësjellësit edhe KEK-u. Kështu që, po këqyrim sa më shpejt me e rregullu këtë punë”, tha Mujka.
I pyetur nëse dyshohet të ketë ndodhur qëllimisht kjo gjë, Mujka u shpreh se s’ka si të jetë ndryshe.
“Në momentin kur e gjunë dikush ndonjë dinamit aty, e qëllimshme është ajo, s’ka si të jetë tjetër”, përfundoi Mujka.
se kanali është sulmuar qëllimisht.
Raportohet se gypi i ujit në fshatin Varagë të Zubin Potokut është shpërthyer me mjet shpërthyes.
Si pasojë e shpërthimit të fortë, përreth janë dëgjuar detonime, me ç’rast janë dëmtuar gypat e “Ibër Lepencit”.
