Trajneri i ri i Bayer Leverkusenit, holandezi Erik ten Hag ka folur lidhur me të ardhmen e Granit Xhakës.
Të martën menaxheri i Xhakës tha se mesfushori dëshiron të kthehet në Premier League. Ai ka treguar se tashmë kanë arritur marrëveshje me këtë skuadër dhe ka kërkuar që Leverkuseni të mundësojë largimin e kapitenit të Zvicrës.
Por Ten Hag kërkon që Xhaka të mbetet.
“Përfaqësuesi i lojtarit mund të thotë çka të dojë, por klubi ka shitur tre lojtarë të rëndësiëhëm. Nuk do të shesim më lojtarë. Nuk është e mundur. Kjo do të kishte ndikim shumë të madh në skuadër. Graniti është lider. Ai ka firmosur për pesë vjet dhe ka kontratë edhe për tri vjet. Është shumë i rëndësishëm për ne që të lejojmë të largohet”, ka thënë Ten Hag nga kampi përgatitor i Leverkusenit në Brazil, shkruan “Kicker”.
Drejtori menaxhues, Simon Rolfes, ka theksuar se Graniti është lider i rëndësishëm dhe ka kualitete sportive. Ka thënë se ka perspektivë të ngjashme me trajnerin. Por Rolfes ka theksuar se nuk ka refuzim final për Xhakën.
