Florentino Perez është në alert: Vinicius Junior ka vendosur të pezullojë rinovimin e kontratës për shkak të dyshimeve rreth së ardhmes së Xabi Alonsos në stolin e Real Madridit.
Sulmuesi brazilian po e kushtëzon të ardhmen e tij me projektin sportiv dhe, veçanërisht, me vazhdimësinë e trajnerit në ‘Santiago Bernabeu’.
Vinicius është rikthyer në qendër të debatit te Real Madridi pas fishkëllimave të tifozëve në ndeshjen ndaj Real Betis, si dhe zërave për një ofertë të mundshme prej rreth 160 milionë eurosh nga Chelsea.
Edhe pse ka kontratë deri në qershor 2027, vera e ardhshme shihet si moment kyç, nëse nuk ka rinovim klubi e konsideron atë si mundësinë e fundit reale për të arkëtuar një shumë të madhe nga shitja e tij.
Nga rrethi i lojtarit përcillet qetësi, por edhe vendosmëri.
Vinicius nuk dëshiron të nënshkruajë një zgjatje kontrate në këtë moment dhe preferon të presë zhvillime që i konsideron vendimtare për të ardhmen e tij afatshkurtër.
Nëse skuadra nuk jep përgjigjen e pritur dhe e ardhmja e trajnerit vihet në pikëpyetje, skenari mund të ndryshojë rrënjësisht.
Në këtë kontekst, Vinicius beson se marrja e një vendimi tani do të ishte e nxituar.
Në zyrat e Valdebebas mesazhi është i qartë: Real Madridi nuk dëshiron të përjetojë një tjetër largim pa përfitim ekonomik, siç ndodhi me Kylian Mbappe te PSG.
Sa më shumë të zgjasë bllokimi i rinovimit, aq më i madh bëhet presioni rreth brazilianit.
