Federata e Futbollit e Kosovës (FFK) ka konfirmuar se teknologjia e VAR-it ka arritur tashmë në Kosovë dhe po bëhen përgatitjet e fundit për implementimin e tij.
Sezoni i ri 2021/22 i Superligës së Kosovës pritet të jetë nën vëzhgimin edhe të sistemit VAR.
Kjo ka muaj që është përfolur nga drejtuesit e FFK-së dhe tashmë veçse po vijnë konfirmime.
Pasi kanë arritur aparaturat, FFK ka filluar t’i vendos ato në stadiume dhe të bëjë provat para nisjes së sezonit.
Është vet faqja e FFK-së e cila ka konfirmuar një gjë të tillë me anë të faqes zyrtare.
“VAR-i po vjen!”, shkruar në njoftimin e FFK-së në Facebook.
Në video shihen edhe gjyqtarët teksa trajnohen në lidhje me teknologjinë dhe ata të cilët duhet të qëndrojnë në kabinën e VAR-it.
