Veliu i pakënaqur me zgjedhjet për kryetar dege në Podujevë, i dërgon letër Abdixhikut

Veliu i pakënaqur me zgjedhjet  për kryetar dege në Podujevë, i dërgon letër Abdixhikut

Deputeti i Lidhjes Demokratike të Kosovës, Agim Veliu, i ka adresuar një letër liderit të kësaj partie, Lumir Abdixhiku.

Përmes kësaj letre, Veliu ka shprehur pakënaqësitë lidhur me zgjedhjet për kryetar dege në Podujevë.

Sipas tij, në krye të degës së LDK-së në Podujevë, është një kryetar i paligjshëm, duke aluduar kështu për Ekrem Hysenin.

“Lumiri mund të marrë përgjegjësi sa të dojë, por nuk mund të amnistohet humbja në Podujevë e kandidatit të emëruar nga ai, të veshur me të gjitha kompetencat për të zgjedhur shtabin, listën e kandidatëve për asamblistë, autonomi të plotë në bërjen e fushatës, financimin marramendës të fushatës”.

Gjithashtu, ai i ka drejtuar edhe disa pyetje kreut të LDK-së.

“Lumir, pse nuk u organizua asnjë takim i Kryesisë së Degës dhe Komisionit për vlerësim të gjendjes ne Dege pas zgjedhjeve? Pse nuk prite një raport për gjendjen në Degë? Pse gjithë ajo nguti e mobilizim që gjatë natës të thirret një kuvend për të zgjedhur një kryetar, pa kryesi?”, kanë qenë pyetjet e Veliut për Abdixhikun. /Gazeta Enigma/.

Related Articles