Një video që tregon një burrë ukrainas duke u përpjekur të bllokojë një autokolonë ushtarake ruse është bërë virale në internet, me krahasimet me “njeriun e tankeve” të sheshit Tiananmen në Pekin, raporton Guardian.
Klipi prej 30 sekondash, i shpërndarë nga gazeta ukrainase HB, tregon një burrë që qëndron përballë atyre që duken të jenë automjete ushtarake. Ndërsa automjetet përpiqen të rrotullohen rreth tij, burri kalon anash, me sa duket në një përpjekje për të bllokuar përparimin e tyre.
“Ukrainasi nxiton nën pajisjet e armikut në mënyrë që pushtuesit të mos kalojnë”, shkroi HB në Twitter.
Videoja e tij u bë virale duke e krahasuar me burrin që qëndroi përballë të katër tankeve kineze në sheshin e Pekinit. Fotografia e tij është bërë simbol i kundërshtimit të autoritarizmit.
✊????Українець кидається під ворожу техніку, щоб окупанти не проїхали pic.twitter.com/cZ29kknqhB— НВ (@tweetsNV) February 25, 2022
