Ylli i Torinos, Mërgim Vojvoda ndjeu peshën e luftës së vazhdueshme në Ukrainë dhe vuri në dukje se nuk ka fitues.
27-vjeçari i di më së miri efektet e luftës mbi një komb dhe popull. Rusia pushtoi Ukrainën në fillim të kësaj jave dhe sanksione gjithnjë e më serioze po vendosen mbi to, me mbështetje të konsiderueshme që i dërgohet Ukrainës në mbrojtje.
Duke folur për “DAZN”, Vojvoda diskutoi luftën e vazhdueshme në Ukrainë dhe ndjenjat për këtë çështje
“Nuk është e lehtë të flasësh për këtë, ne të gjithë ndjekim atë që ndodh. Ata që e jetojnë këtë e dinë se si është ndjesia, qofshin ata ukrainas apo rusë. Shpresojmë që gjithçka të ndalojë shpejt. Në luftëra nuk ka fitues”, deklaroi ai.
Një numër i trajnerëve të Serisë A kanë komentuar gjithashtu situatën, duke bërë një sërë komentesh dhe vëzhgimesh prekëse.
Ka pasur gjithashtu një ndikim sportiv në pushtimin e Ukrainës nga Rusia. UEFA e ka zhvendosur finalen e Ligës së Kampionëve nga Shën Petersburg në Paris dhe ekipet kombëtare polake dhe çeke po refuzojnë të luajnë kundër Rusisë në play off-et e ardhshme të Kupës së Botës 2022.
