Një person është vrarë nga të shtënat me armë zjarri në rrugën “Gjon Gazulli” në Pejë.
Lajmi e ka konfirmuar zëdhënësi i Policisë së Kosovës për rajonin e Pejës, Fadil Gashi. Ai ka thënë se vdekjen e viktimës e ka konstatuar mjeku kujdestar në vendin e ngjarjes.
“Konfirmohet se rreth orës 15:36 minuta policia është njoftuar se në rrugën “Gjon Gazulli” në Pejë ka pasur të shtëna me armë zjarri, ku pasi i janë përgjigjur rastit, kanë hasur në një person i cili ka qenë i lënduar nga arma e zjarrit. Ambulanca ka dalur në vendin e ngjarjes dhe mjeku kujdestar ka arritur vetem te konstatoj vdekjen e viktimës”, tha Gashi, raporton, Telegrafi.
