Sipas rezultateve të përditësuara nga Komisioni Qendror i Zgjedhjeve ka ndryshime në ndarjen e mandateve në Kuvendin e Kosovës, raporton Gazeta “Enigma”.
Lëvizja Vetëvendosje sipas këtyre rezultateve ka siguruar edhe një mandat shtesë, duke e çuar numrin e deputetëve në 57.
Ndërsa Partia Demokratike e Kosovës (PDK) ka humbur një mandat dhe tashmë do të përfaqësohet me 22 deputetë në Kuvend.
Lidhja Demokratike e Kosovës (LDK) dhe Aleanca për Ardhmërinë e Kosovës (AAK) nuk ka ndryshime në ndarjen e mandateve. LDK pritet të ketë 15 deputetë, ndërsa AAK 6.
Kujtojmë se procesi i numërimit të votave po vazhdon. /Gazeta Enigma/
