Ylli shqiptar, Adnan Januzaj ka kompletuar huazimin e tij nga Sevilla te Istanbul Basaksehir.
Januzaj kishte mundësi të pakta te Sevilla në gjysmën e parë të sezonit 2022/23 të Sevilla dhe vendosi ta ndryshoj skuadrën.
Reprezentuesi belg ka ndryshuar rrënjësisht ambient duke u transferuar në Superligën e Turqisë te Basaksehir.
Është vet skuadra turke që ka njoftuar zyrtarisht huazimin e djaloshit me prejardhje nga Istogu.
“Klubi ynë ka nënshkruar së fundmi një marrëveshje huazimi me Adnan Januzaj, i cili ka luajtur në Sevilla, një nga skuadrat spanjolle të La Ligës, deri në fund të sezonit 2022-2023”.
“I urojmë mirëseardhjen në familjen tonë Adnan Januzajt dhe i urojmë suksese me fanellën tonë ngjyrë portokalli-blu e errët”, thuhet në njoftim.
Ndryshe, Basaksehir është në pozitën e tretë pas 21 xhirove të zhvilluara në Superligën e Turqisë dhe momentalisht është në pozitën që e dërgon në Ligën e Evropës.
???????? Hoş geldin Adnan Januzaj ???????? pic.twitter.com/U3Dd3zTycf— İstanbul Başakşehir (@ibfk2014) February 3, 2023
