Ka marrë fund saga e Ben White, me mbrojtësin anglez që e ka kompletuar transferimin te Arsenali.
Mbrojtësi i ri anglez ka shkëlqyer dy vitet e fundit me Brightonin dhe tanimë është bërë pjesë e skuadrës londineze.
Topçinjtë kanë fituar garën me skuadrat tjera angleze për White, duke paguar 50 milionë euro te Brightoni.
I lumtur me transferimin e lojtarit është shfaqur edhe trajneri spanjoll Mikel Arteta.
“Ben White ka qenë objektivi kryesor për ne dhe është shumë mirë që kemi kompletuar transferimin e tij”.
“Ben është edukuar në dy klube shumë të mira si Brighton dhe Leeds në dy sezonet e fundit. Ai ka treguar me të dy klubet se çfarë talenti është”, ka deklaruar Mikel Arteta.
White kësisoj bëhet njëri nga lojtarët më të shtrenjtë në histori të Topçinjve.
