Federata e Futbollit e Francës (FFF) ka njoftuar për rinovimin e kontratës me Didier Deschamps.
Kontrata e re e Deschamps me FFF-në është e vlefshme deri në vitin 2026.
Kjo nënkupton se 54-vjeçari do të mund të udhëheq “Gjelat” në Kampionatin Evropian “Euro 2024” në Gjermani, si dhe në Kupën e Botës 2026, që do të zhvillohet në Shtetet e Bashkuara të Amerikës, Kanada dhe Meksikë.
Deschamps është trajner te Kombëtarja e Francës që 9 korriku i vitit 2012. Deri më tani, ai ka regjistruar 89 fitore, 28 barazime dhe 22 humbje.
Nën drejtimin e tij, Franca e fitoi Kupën e Botës 2018, Ligën e Kombeve 2021, si dhe arriti në finalen e Euro 2016 dhe atë të Kupës së Botës 2022.
???????????????????????? ???????????????????????????????????? has extended his contract as head coach of the France national team until June ???????????????? ✍️#FiersdetreBleus pic.twitter.com/PRwGPanSWp— French Team ⭐⭐ (@FrenchTeam) January 7, 2023
