Përderisa rezultatet e vendvotimeve të rregullta në Kosovë pothuajse janë përfundimtare, Eugen Cakolli nga Demokracia në Veprim ka treguar ndarjen e mandateve në Kuvendin e Kosovës për partitë shqiptare.
Ai sqaron se , votat e partive që nuk e kalojnë pragun as nuk shpërndahen e as nuk i shtohen ndonjë partie tjetër, por sipas tij ato thjesht nuk llogariten gjatë ndarjes së mandateve.
Cakolli thotë se ndarja e mandateve në Kuvendin e Kosovës për partitë shqiptare është:
LVV – 47 deputetë;
PDK – 25 deputetë;
LDK – 20 deputetë;
AAK – 8 deputetë;
“Edhe pse ende mbeten në kalkulim rreth 100-120 mijë vota, përfshirë ato jashtë vendit dhe votat me kusht, ndikimi i tyre në rezultatin përfundimtar do të jetë margjinal”, ka shkruar ai në Facebook.
Sipas Cakollit, derisa votat me kusht ndjekin të njëjtin trend si votat e rregullta, në votat jashtë vendit LVV tradicionalisht performon dukshëm më mirë (bazuar në rezultatet e zgjedhjeve të kaluara).
Specifikisht:
-Nëse LVV fiton rreth 60% të votave jashtë vendit, mund të marrë deri në dy mandate shtesë, duke arritur në gjithsej 49 deputetë.
-Në variantin më pozitiv për LVV, kur fiton mbi 75% të votave jashtë vendit, mund të arrijë deri në 51 deputetë.
-Ndërsa, në variantin negativ për LVV-në, kur merr më pak se 50% të votave jashtë vendit, mund të bjerë në 46 mandate.
