“Karim Benzema është si një verë e shkëlqyer franceze. Me kalimin e moshës bëhet më mirë”, thotë trajneri i tij, Carlo Ancelotti. Dhe ai ka të drejtë.
Në moshën 34-vjeçare, Benzema nuk ka qenë kurrë më i mirë. Ai ka arritur një nivel të tillë në vitin 2021 sa mund të themi lehtësisht se ky është kulmi i karrierës së tij – sigurisht për sa i përket paraqitjeve të tij individuale.
Që kur Cristiano Ronaldo u largua nga Madridi në verën e vitit 2018, roli dhe përgjegjësitë e francezit në skuadër kanë ndryshuar. Ky ekip i Realit është bërë i tij, dhe ishte radha e shokëve të tij të luanin për të pasi ai luajti për Cristianon për kaq shumë vite.
Rezultatet e këtij ndryshimi kanë qenë mahnitëse: në vitin kalendarik 2021, Benzema ka shënuar 47 herë për klubin dhe vendin. Kjo është përfshirja e 60 golave në 63 ndeshje në të gjitha garat – gjë që është krejtësisht e jashtëzakonshme.
Shënimi i golave është gjithmonë i rëndësishëm për një lojtar me numrin nëntë, padyshim, dhe ka qenë gjithmonë pjesë e ADN-së së Benzemas. Në vitin 2021, pati disa gola të paharrueshëm të shënuar nga francezi.
Ai ishte vendimtar në dy derbet e Madridit kundër Atleticos, duke përfshirë një volle mahnitëse në dhjetor. Ai shënoi një nga golat më të mirë të vitit në La Liga kundër Barcelonës.
Kundër Chelseat në ndeshjen e parë gjysmëfinale të Ligës së Kampionëve ishte gjithashtu mjaft i veçant.
Por loja e Benzemas ka shumë më tepër sesa golat, shkruan 90Min.
Ka të bëjë gjithashtu me udhëheqjen me shembull, të qenit i besueshëm, të dish se do të japësh kur të duhet, por edhe të jesh lojtar ekipi dhe të jesh altruist kur nevojitet. Ai i bëri të gjitha këto edhe në vitin 2021.
Pas largimeve të Sergio Ramos dhe Raphael Varane, dhe faktit që Marcelo mezi luan, Benzema ka qenë ai që e ka mbajtur më shpesh shiritin në krahë në vitin 2021.
Është një nder për të. Si fëmijë, duke parë idhullin e tij, brazilianin Ronaldo, duke luajtur në Bernabeu në televizion, ai gjithmonë donte të bënte të njëjtën gjë dhe të luante për klubin më të madh të futbollit në botë.
E ka bërë tash e 12 vjet dhe qershia mbi tortë ka qenë ky roli i kapitenit.
2021 ishte gjithashtu i veçantë për shkak të rikthimit të tij të jashtëzakonshëm me Francën.
Ai ishte një rrufe e menjëhershme me katër gola në turne. Edhe pse kombëtarja humbi me penallti në 16 të fundit kundër Zvicrës, ai e kaloi atë dalje zhgënjyese të hershme duke e çuar Francën drejt një triumfi në Ligën e Kombeve në tetor – me një gol në gjysmëfinale kundër Belgjikës dhe në finale kundër Spanjës.
Ky vit ka qenë, pa dyshim, më i miri në karrierën e Karim Benzemas, pavarësisht moshës së tij.
Përkushtimi, ambicia, vendosmëria e tij dhe puna që ndoshta nuk e shihni – regjimi i fitnesit, dieta – po shpërblehen.
Ai ëndërronte të fitonte Topin e Artë të 2021-ës dhe sigurisht që duhej të kënaqej me vendin e katërt, por nuk ka dyshim se reagimi i tij ndaj këtij zhgënjimi do të jetë të përpiqet ta bëjë 2022-shin edhe më të mirë se 2021-shin./Gazeta Enigma/
