Ministria e Mbrojtjes e Maqedonisë së Veriut ka njoftuar se të premten në Prishtinë ka ndërruar jetë një pjesëtarë i Armatës së Republikës së Maqedonisë së Veriut. Pjesëtari i Armatës ka qenë pjesë e kontingjentit të Republikës së Maqedonisë së Veriut në misionin e KFOR.
“Në mbrëmje, rreth orës 18.15, në spitalin e Prishtinës, Kosovë, ka ndërruar jetë një ushtar profesionist 44 vjeçar me iniciale I.Q., i cili bënte pjesë në kontingjentin e Ushtrisë së Republikës së Maqedonisë së Veriut në misionin e KFOR-it”, thuhet mes tjerash në njoftimin e Ministrisë.
Nga Ministria e Mbrojtjes shtojnë se 44-vjeçari përmes helikopterit është transportuar nga baza në Pejë në Spitalin e Prishtinës, ku ka ndërruar jetë.
“Me helikopter ushtarak, i shoqëruar nga personeli mjekësor ushtarak, ai është dërguar në institucionin më të afërt shëndetësor, në këtë rastin, në Spitalin e Prishtinë, ku pas mbërritjes i është bërë reanimacioni, por pas një kohe të shkurtër mjekët kanë konstatuar vdekjen, me gjasë sipas informacioneve të para nga një sulm në zemër”, thuhet në njoftimin e Ministrisë së Mbrojtjes. /Gazeta Enigma.
