Një 78-vjeçar është gjetur i vdekur në rrugën “Ilir Konushevci” në Prishtinë, shkruan Gazeta Enigma.
Zëdhënësi i Policisë së Kosovës për rajonin e Prishtinës, Agron Borovci e ka konfirmuar vdekjen e një burri në Prishtinë.
Ai ka thënë se policia është duke ndërmarrë të gjitha veprimet e duhura për të sqaruar në plotësi se si ka ndodhur rasti.
“Rreth orës 07:30, kemi pranuar informatën për një person pa shenja jete në rrugën ” Ilir Konushevci” në Prishtinë. Policia menjëherë ka dalë në vendin e ngjarjes si dhe mjekët emergjent të cilët kanë konstatur vdekjen e viktimës, mashkull, rreth 78 vjeç. Aktualisht policia po ndërmerr të gjitha veprimet e duhura me qëllim sqarimin e plotë të rrethanave të ngjarjes”, ka thënë Agron Borovci.
