Ministri i Punëve të Brendshme, Xhelal Sveçla ka reaguar pas aksionit të Policisë së Kosovës ku u konfiskuan 83.5 kilogram heroinë dhe janë arrestuar dy persona, Raporton Gazeta Enigma.
Sveçla, përmes një statusi në Facebook ka përgëzuar oragnet e sigurisë.
” Përgëzime Doganës, Policisë dhe Prokurorisë”, ka shkruar ai.
Tutje Sveçla shkruan se “83.5 kilogram heroinë më pak në treg, dy kriminel më shumë në burgjet e Kosovës”.
Postimi i plotë:
Kur mes institucioneve të ndryshme ekziston vullneti për bashkëpunim të sinqertë për të siguruar sundim të ligjit e luftë ndaj krimit të organizuar, rezultatet nuk mungojnë.
Përgëzime Doganës, Policisë dhe Prokurorisë!
83.5 kilogram heroinë më pak në treg, dy kriminel më shumë në burgjet e Kosovës.
