Agjencia e Ushqimit dhe Veterinarisë ka hapur tender për identifikimin dhe regjistrimin e qenve me pronar në Kosovë.
Vlera e parashikuar për kontratë është 420 mijë euro, ndërsa kohëzgjatja është paraparë të jetë 12 muaj.
“Faktorët të cilët do të merren parasysh gjatë ri-ekzaminimit janë kriteret e përcaktuara nga autoriteti kontraktues sepse çmimi është i njëjtë për të gjitha komunat i caktuar”, thuhet në njoftim.
Kriter për dhënie të kontratës, është caktuar çmimi më i ulët.
Afati për dorëzimin e tenderëve për operatorët ekonomikë të interesuar të ofertojnë është shkurtuar dhe AUV-i tregon arsyet për këtë.
Tutje ata kanë njoftuar se “dorëzimi i ofertave shkurtohet për arsye si shkak i qenve me pronarë po ndodh që të rritet edhe numri i qenve endacakë kështu që si autoritet kontraktues jemi të detyruar që të shpallim këtë tender me afat të shkurtuar”.
Data 4 prill 2022 është afati i fundit për pranimin e tenderëve./Gazeta Enigma/
