Ministri i Jashtëm i Ukrainës, Dmytro Kuleba, ka thënë të dielën se plani fillestar i Rusisë për pushtimin e Ukrainës “dështoi” dhe se “historia do të tregojë se plani i kujt do të mbizotërojë”.
Kjo deklaratë vjen pasi Rusia emëroi një gjeneral të ri për të udhëhequr në luftimet me Ukrainën.
“Tani ata kanë një plan tjetër, por ne kemi planet tona”.
“Çfarëdo që Rusia planifikon të bëjë, ne kemi strategjinë tonë dhe kjo strategji bazohet në besimin se do ta fitojmë këtë luftë dhe do të çlirojmë territoret tona,” tha Kuleba në një intervistë për NBC “Meet the Press”, shkruan CNN.
