Kanë mbetur edhe shtatë xhiro deri në përfundim të edicionit 2021/2022 në Superligën e Kosovës në futboll.
Klubi Futbollistik “Ballkani” është duke e kryesuar tabelën me 63 pikë të mbledhura duke e lënë pas skuadrën e Gjilanit e cila ka tetë pikë më pak, dhe kësisoj skuadra nga Suhareka është në rrugën e duhur për t’u shpallur kampion për herë të parë në histori të klubit, shkruan Gazeta Enigma.
Gjatë këtij sezonit edhe sulmet e skuadrave kanë qenë mjaftë efikase duke deri më tani janë realizuar gjithsejtë 356 gola në 29 xhirona të luajtura.
Topin më së shpeshti në rrjetë e kanë dërguar skuadra lidere Ballkani dhe ekipi i drejtuar nga Tahir Batatina, Llapi. Të dy ekipet kanë realizuar nga 47 gola deri më tani. Por, kujtojmë që Ballkani e ka të fituar një ndeshje me rezultat zyrtar kundër Gjilanit, 0-3.
Ekipi i SC Gjilanit renditet në vendin e tretë sa i përket efikasitetit, ku “kuqebardhët” deri më tani kanë realizuar 45 gola. Një gol më pak e kanë realizuar rivalët lokal të Gjilanit, Drita.
Skuadra e cila më së paku ka shënuar këtë sezon është ajo nga Drenasi, Feronikeli. “Tigrat e Zi” kanë realizuar vetëm 12 gola.
Më poshtë Gazeta Enigma ua sjellë renditjen tabelare të ekipeve me sulmin më të mirë:
- Ballkani – 47 gola të shënuar
- Llapi – 47 gola të shënuar
- Gjilani – 45 gola të shënuar
- Drita – 44 gola të shënuar
- Drenica – 39 gola të shënuar
- Prishtina – 36 gola të shënuar
- Malisheva – 35 gola të shënuar
- Ulpiana – 26 gola të shënuar
- Dukagjini – 25 gola të shënuar
- Feronikeli – 12 gola të shënuar
/GAZETA ENIGMA/
